Youtube Channel ke liye sponsorship kaise le

Youtube Channel ke liye sponsorship kaise le aur sponsorship kaise paya jaata hai aajke is post me hum ye janenge.

Agar aapka koi youtube par channel hai aur aap apne channel ke liye sponsorship lena chahte hai to aajki ye post aapke liye bahut helpful hoga.

Read also:

Sponsorship aapko tab hi milta hai jab aapke Youtube channel me achhe khase subscribers aur views ho.

Subscriber se jyada important views hota hai sponsorship lene ke liye.

Koi bhi company use hi sponsorship deti hai jise dekhne wale bahut log ho jisse us company ko fayda ho saake.

Isliye agar aapke pass subscriber jyada nahi hai lekin views achhe khase aa jaate hai to aapko easly sponsorship mil jayega.

Sponsorship lene ke liye in baato ka rakhe dhyan:

Agar aapko apne youtube channel ke liye sponsorship chahiye to aapko in kuchh baato ka dhyan rakhna bahut jaruri hai.

Channel brand: sponsorship paane ke liye sabse pehle aapko apne channel ko ek brand bnana hoga.

Koi bhi company ese channel ko kabhi sponsorship nahi karti jo dekhne se kahi se bhi brand naa le.

Sidhi si baat me kahu to kuchh channels hote hai jo kisi ka logo copy kar lete hai. Kisi ka channel name copy kar lete hai.

Yaa apne channel par alag alag topic se related video dalte hai.

Jaise tech channel hai to usi channel par cooking, funny, beauty saare video dalte hai.

To is tarah ki galti naa kare aur apne channel ko ek brand ki tarah banaye.

Channel name: jaise ki maine upar bataya channel ko brand banana bahut jaruri hai.

Channel brand me channel name bahut important hota hai. Kabhi bhi esa name naa rakhe jo kisi aur ne already rakha huaa hai.

Different aur unique name rakhe jo kisi ne naa rakha ho.

Channel logo: logo bhi channel brand ke under hi aata hai.

Channel ko brand banane me logo bhi bahut important hota hai. To apna logo unique banaye kisi se milta julta naa banaye.

Video views : sponsorship paane ke liye views bahut important hota hai. Aapko apne video par views ko maintain rakhna jaruri hai.

Agar aapke kisi video par 1000 views aate hai to ye jaruri hai ki aapke har video par 1000 views maintain ho.

Jisse company jab aapke channel par visit karke video ke views dekhegi to unhe ye malum hoga ki itne views to unhe mil jayenge agar wo aapko sponsorship deti hai to.

Under 5000 subscribers sponsorship kaise le?

Agar aapke channel par 5000 se kam subscriber hai to aap in tariko se sponsorship paa sakte hai.

Tips 1 : aapko apne phone me Playstore ya Appstore me jaana hai.

Iske baad aapko ese apps ko select karna hai jo aapke channel category se related ho.

Iske baad aapko us app ko open karna hai aur niche ki taraf page ko scroll down karna hai.

sponsorship kaise le
sponsorship kaise le

Ab aapko send email ka option dikhega. Aapko ispe click karke us app ke owner ko mail karna hai.

Mail me aapko ye saari chize mention karni hai.

  • Name
  • Channel name
  • Channel average views
  • Total subscribers
  • Amount for sponsorship
  • Channel URL

Ye sabhi chize aapko apne mail me mention karna hai aur send kar dena hai.

Tips 2 : agar aap ek youtuber hai to aapne dusre baade youtuber ko subscriber jarur kar rakha hoga.

To bus aapko apne channel se related dusre channel ko subscriber karke rakhna hai.

Ab aap soch rahe honge esa karne se kya hoga. To main batati hu esa karne se kya hoga.

Un sabhi youtuber me se bahut youtuber ko sponsorship milega aur wo video banayenge. Aapke pass notification jayega kyuki aapne subscribe kiya huaa hai.

Ab jo bhi youtuber sponsorship video bana raha hai wo apne description me link deta hai jis company ne use sponsor kiya hai.

Aapko description me diye huye link pe click karna hai. Link pe click karte hi aap us company ke website par pahuch jayenge.

Ab aapko unke contact us ke page par jaana hai aur unhe bhi mail karna hai jaise maine bataya tha.

sponsorship kaise le
sponsorship kaise le

Kyuki wo company sponsorship me paise kharch kar rahi hai to ho sakta hai us waqt wo aapko bhi Sponsorship kar de.

5000 se jyada subscriber ho to sponsorship kaise le?

Agar aapke pass 5000 se jyada subscriber hai to aap Sponsorship kaise le aaiye jaante hai.

Tips 1 : Famabit ko use karke aap Sponsorship le sakte hai. Waha aapko apne youtube channel ke saath login karna hai.

Login hone ke baad payment details fill kar dena hai. Iske baad sponsorship wale section me jaake apne channel ke according product select karna hai.

Jo bhi product ki aapko sponsorship ya review unit chahiye aap unhe wahi se request send kar sakte hai.

Tips 2 : ye bahut simple hai lekin bahut kam ki tips hai. Aksar hum ese ignore kar dete hai.

Aapko apne channel ke about section me apne email I’d ko dalke rakhna hai. Jisse koi company agar aapke channel par visit kare aur about me jaaye to unhe aapka email id mil jaaye.

Isse chances jyada hoti hai ki company khud aapko mail kare aur sponsorship de.

Conclusion

Aajke is post me humne jaana ki apne youtube channel ke liye sponsorship kaise le.

Is post ke jariye maine aapko puri details me samjhane ki kosis ki hai.

Sponsorship se hum bahut saare paise kaama sakte hai aur aaj ke time pe Sponsorship se hi log achhi khasi earning kar rahe hai.

Isliye maine aapko is post ke jariye details me samjhane ki kosis ki hai jisse aap bhi apne channel ke liye sponsorship le sake.

Phir bhi agar aapko koi doubt ho to aap mujhse comment me puchh sakte hai.

Post achha laaga to ese apne dosto ke saath share jarur kare!!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.