Swift Code kya hai | Bank ka swift code kaise pata kare

0
2
views

Swift Code kya hai | Apne bank ka Swift Code na hone par kya kare : Hello friends aajke is article me hum janenge swift code ke bare me.

Agar aapne kabhi koi international bank me paise transfer kiye honge to aapko swift code ke baare me pata hoga.

Agar blogger aur youtuber ki baat kare to unhe swift code ke baare me tab pata chalta hai jab unhe kisi dusre bank se indian bank me paise receive karne hoti hai.

Swift code kya hai?

Agar aap ek youtuber hai ya blogger hai to aap apne bank account me kisi dusre client se NEFT ke jariye paise receive karte honge.

To aapko pata hoga India me ek bank se dusre bank me paise transfer karne ke liye kya kya chizo ki jarurat hoti hai.

  • Aapka bank account number aur Account name.
  • Aapke bank ka IFSC code.

Ifsc code national level ka ek code hota hai jo har ek bank branch ka unique hota hai.

Is unique IFSC code ko use karke aasani se ek bank se dusre bank branch tak paise transfer kiye jate hai.

Lekin jab kisi international bank se indian bank par paise receive karna hota hai ya transfer karna hota hai tab jarurat hoti hai swift code ki.

Swift code ka full form hota hai- Society for worldwide Interbank financial telecommunication.

Jis tarah india me ifsc code ko use karke ek bank se dusre bank me paise transfer hote hai wese hi international level par sabhi bank ka ek unique swift code hota hai aur wo use karke aasani se paise transfer kar sakte hai.

Google AdSense se bhi apne bank account me direct apni earning ko receive karne ke liye aapko apne Google AdSense account me pehle payment holder ke bank account ki Details ke saath usi bank ka swift code bhi dalna parta hai.

Apne bank branch ka swift code kaise pata kare?

India me lagbhag sabhi bank branches ka IFSC code hota hai lekin swift code nahi hota.

Iske liye aapko apne bank branch ke saath contact karna hoga.

Agar aapko pakka pata hai ki aapke bank branch ka swift code hai,

to aap use internet ki help se bhi dhund sakte hai.

Method 1: Google search use karke.

  • Sabse pehle Google search ko open kar lijiye.
  • Ab is type se search kariye : <Aapke bank ka naam> <aapka bank branch> Swift code.

Pehle link par hi click kijiye aur jo website open hogi us par jaiye.

Waha aapko apne bank branch ka Swift code pata lag jayega agar us bank branch ka swift code hoga to.

Method 2: ifscwiftcodes.com use karke

Apne web browser me is link ko open kare.

Link:- https://www.ifscswiftcodes.com/Bank-SWIFT-Codes/

Uske baad aapke samne niche diye gaye screenshot ki tarah page open ho jayega.

Swift code kya hai?
Swift code kya hai?

Is page se aap 3 tarike se apne bank branch ke swift code pata kar sakte hai.

Ye 3 tarike hai:-

  • Apne bank branch ka name sidha search box me search kariye.
  • Apne bank branch ko alphabetic order me browse kariye.
  • Country wise ya phir location wise browse kariye.

Conclusion

Is post me humne jana Swift Code kya hai aur Apne bank ka Swift Code na hone par kya kare.

Agar aap Blogger ya freelancer hai to aapke liye swift code bahut hi jaruri hoga.

Isliye iss article me maine details me swift code ke baare me batane ki kosid ki hai.

Agar koi sawal ho to aap mujhse comment box me puchh sakte hai.

Post achha laga to ese apne family & friends ke saath jarur kare!!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.